Бердақ атындағы Қарақалпақ мәмлекетлик университети Биология факультетинде ашылған «OTUS» студентлер орнитологиялық клубы ағзалары басшылығында Әмиўдәрья районы Дўстлик АПЖда жайласқан 40-санлы улыўма билим бериў мектебинде «Қусларды абайлап асырайық» атамасында ушырасыў өткерилди.

Онда «OTUS» студентлер орнитологиялық клубы ағзасы Шойра Юнусова, 43-санлы орта билим бериӯ мектебиниӊ 8-класс оқыӯшылары ҳәм мектеп окытыўшылары қатнасты.

Ушырасыўда «OTUS» клубы ағзалары мектеп оқыӯшыларына қуслардың тәбияттағы әҳмийети хаққында, оларды қандай жоллар менен қорғаў кереклиги ҳәм уялар қурыў ҳаққында айтып өтти.

Сондай-ақ, «OTUS» клубы ағзалары тәрепинен клуб тарийхы, мақсет-ўазыйпалары ҳәм де жыл қусы хаққында исленген презентация ҳәм ойынлар балалардың қусларға болған қызығыўшылығын арттырды.

Интерактив ойынларда балалар өз белсендиликлерин көрсетип, естелик саўғалары менен сыйлықланды.

Ж.Измурзаева,

Биология факультетиниң студенти.