Жақында Бердақ атындағы Қарақалпақ мәмлекетлик университетиниң Руўхыйлық ағартыўшылық ханасында Қарақалпақ филологиясы ҳәм журналистика факультетиниң студент-жаслары арасында “Мен саламат турмыс тәризин үгит-нәсиятлайман” жойбары шеңберинде семинар шөлкемлестирилди.

Семинарды “Қарақалпақстан ҳаўазы” газетасы редакторы М.Қутлымуратов алып барды.

Топарлар менен бирге ислесиў бойынша қызықлы ойынлар, сораў-жуўаплар, социаллық роликлер таярлаў сыяқлы кишигирим илажлар да өткизилди ҳәм буған студентлер белсене қатнасты.

“Биз саламат турмыс тәризи тәрепдарларымыз!” ураны астында еле көп илажлар өткеремиз,-дейди М.Қутлымуратов семинар жуўмағында.

Әлбетте, биз жаслар дени саў, бәркамал, иммунитети жоқары ертеңги айдын келешегимизди қуратуғын ул-қызлар болып жетилисиўмиз зәрүр.

Азизбек Дабылов,

   Қарақалпақ филологиясы ҳәм

журналистика факультетиниң 1-курс студенти.