Мәмлекетимизде карантин пайытында студент-жаслардың бос ўақытларын мазмунлы өткериў мақсетинде Бердақ атындағы Қарақалпақ мәмлекетлик университети тәрепинен «Мен усы әзиз Ўатан перзентимен» атамасында онлайн дөретиўшилик таңлаўы жәрияланған еди.
Таңлаў ҳақкында университеттиң Karsu.uz сайтында, qmu_manawiyat-tanlawlar каналында дағазалар жәрияланып, таңлаў өткериў бойынша онлайн түрде тараў профессор-оқытыўшыларынан Төрешилер қурамы дүзилди.
Бул онлайн дөретиўшилик таңлаўы төмендеги«Ўатан топырағы деп, жан пидә еткен қаҳарманлар» видео ҳәм аудиороликлер номинациясы,.«Бабаларымыз қаҳарманлықларын умытпайман» шығармалар номинациясы,«Еслеў әзиз-қәдирлеў муқаддес» жеке видео-интервью номинациялары тийкарында өткерилди.
. Ҳәр бир номинацияны Төрешилер қурамы ағзалары баҳалаў критериясы тийкарында көрип шығып баҳалады ҳәм жеңимпазлар анықланды.Атап айтқанда биринши номинация бойынша 1-2–орынды Қарақалпақ тили ҳәм журналистика факультети 4-курс студентлери
Айгүл Қосымбетова ,Наргиза Балтабаева,3-орынды усы факультеттиң 2-курс студенти Мадина Ходжиева ийеледи. «Бабаларымыз қаҳарманлықларын умытпайман» номинациясы бойынша болса, 1-орын Қарақалпақ тили ҳәм журналистика факультети 2-курс студенти Гүлнара Абдиреймова, 2-орын Тарийх факультети 1-курс студенти Жамийла Базарбаева ҳәм. Архитектура факультети 1-курс студенти Гүлназ Сапарбаева,3-орынға Шет тили факультетиниң 4-курс студенти Маржона Мухамедалиева ҳәм Қарақалпақ тили ҳәм журналистика факультети 1-курс студенти Ҳүрлиман Янгибоевалар ылайық деп табылды.
«Еслеў әзиз-қәдирлеў муқаддес» номинациясы бойынша болса, 1-орын юридика факультети 1-курс студенти Артур Садуллаев, 2-орын Дене маденияты факультети 1-курс студенти Аллаяр Утемуратов ҳәм Архитектура факультети 1-курс студенти Райхан Жуманазарова 3-орын Өзбек филологиясы 4-курс студенти Назокат Шартбаева ҳәм Физика факультети 2-курс студенти Нурбийке Айтжановаларға несип етип, университет ректораты тәрепинен олардың үйлерине барылып, диплом ҳәм қымбат баҳалы естелик саўғалар менен сыйлықланды.
Әдилбай Оразов.
ҚМУ Баспасөз хаткери.
Сүўретте: илаждан көринислер.
