Бүгин Қарақалпақ мәмлекетлик университети қасындағы илимий дәрежелер бериӯши DSc.03/30.12.2019.Fil.20.01 санлы қәнигелескен илимий кеӊесте филология илимлери бойынша философия докторлық жумысын табыслы қорғаған Гулбаҳар Атажанова ҳәм Шарафатдин Саимбетовқа докторлық дәрежеси (PhD) дипломы берилди. Илимий кеӊес баслығы Шамшетдин Абдиназимов илимий дәреже алған диссертантларды бүгинги табысы менен қутлықлады. Буннан соң илимий кеңес хаткери диссертация жумысларына киргизилип атырған өзгерислер жойбары бойынша мағлыўмат берип өтти. 2020-жыл DSc.03/30.12.2019.Fil.20.01 санлы қәнигелескен илимий кеӊесте жәми 13 илимий диссертация жумыслары қорғалды.

– Қарақалпақ мәмлекетлик университети қасындағы илимий дәрежелер бериӯши DSc.03/30.12.2019.Fil.20.01 санлы қәнигелескен илимий кеӊесте бир мәртелик 13.00.02 «Тәлим-тәрбия теориясы ҳәм методикасы» жөнелиси бойынша өз илимий жумысымды табыслы қорғап шықтым. Биринши мәрте бир мәртелик усы жөнелис бойынша кеӊести шөлкемлестирип берген қәнигелескен илимий кеӊес баслығы Ш.Абдиназимов, хаткери Г. Қарлыбаевға өз миннетдаршылығымды билдиремен. Сондай-ақ, илимий басшым Г.Қарлыбаеваның да үлкен үлеси бар деп есаплайман. Кеӊестиӊ кейинги жумысларында табыслар тилеймен, – дейди  Қарақалпақ мәмлекетлик университети оқытыӯшысы Г.Атажанова.

Мағлыӯмат ушын, 2020-жыл усы кеӊес қасында бир мәртелик 10.00.09 «Журналистика» жөнелиси бойынша да илимий кеӊесте еки жумыс қорғалды.