Қарақалпак мәмлекетлик университети Математика факультетиниң 1- «Е» топары студенти Жолымбетова Айшолпанның бул табысы оның илимге болған умтылысының мектеп дәўиринен басланғанлығынан дәрек береди.

Ол ѳткен жылы Халыкаралык АМС-12(American Mathematics Competition) (10-11 класс оқыўшылары арасында) олимпиадасына қатнасып, алтын медаль женимпазы болды. Жарысқа қатнасқан пайытта Айшолпан мектептиң питкериўши класында оқып атыр еди. Усы сыйлықтың жеңимпазлығына ерискенлигин еситкен ўақытта ол математика факультетиниң студенти болғанлықтан қуўанышын факультетимиз оқытыўшылары ҳәм студент жаслары менен бирге бѳлисти.

Айшолпан мектепте 5-класстан математика пәнинен республикалық олимпиадаға қатнасып,  сыйлы орынларды ийелеген.

Кишкенелигинен математикаға ықласы бәлент Айшолпан усы жылы Қарақалпақ мәмлекетлик университетиниң математика факультетине 173,5 балл топлап, грант тийкарында студентлер катарына қабылланды. Демек, бүгинги күнде жас математик қыздың илим жолындағы умтылысы ушын ҳақыйқый  жол ашылды десек орынлы. 

Жеңимпаз қызды факультет деканы Жумабек Сейпуллаев ҳәм топар жетекшиси Гүлнара Аймурзаевалар қутлықлап, бул илим дәргайының билимли ҳәм  илимге қуштар суденти болатуғынына үлкен исеним билдирди.