Ўа, шайырлық, сенсиз саҳра шөлдеймен,

Булағыңнан ишкен сайын шөллеймен,

Ҳәр сапары түсип кетсе ушқының,

Тамызықтай жанып болмай сөнбеймен.

И.Юсупов

Қарақалпақ филологиясы ҳәм журналистика факультетинде 2021-жылдың 11-февраль күни Өзбекстан Қаҳарманы, Өзбекстан ҳәм Қарақалпақстан халық шайыры И.Юсуповтың «Төк таўында ойлар» қосығы бойынша Жас филологлар дөгереги ағзаларының шөлкемлестирген әдебий сәўбетлесиў кешеси болып өтти.

Әдебий кешеге Қарақалпақ әдебияты кафедрасы профессор – оқытыўшылары, магистрлер ҳәм студент жаслар қатнасты.

Кешени факультет жаслар менен ислесиў бойынша декан орынбасары З.Жуманов ашып берди. Оннан кейин дөретпе ҳаққында магистрант А.Сатбаевтың баянаты тыңланды.

Кешеге Қарақалпақ әдебияты кафедрасы профессоры Қ.Оразымбетов та қатнасып өзиниң баҳалы илимий пикирлерин билдири. 1-курс студентлери бул кешеден өзлериниң әдебий процесс ҳаққындағы билимлерин және де тереңлестирди.

Профессор-оқытыўшылар ҳәм студент жаслар менен биргеликте келеси болатуғын семинар кешесиниң темасы да келисилип алынды ҳәм дөгерек ағзаларынаалдағы жумысларында тасқын табыслар тиледи.