Китапқумарлар клубында «Китапқумар студент» таңлаўының 2-басқышы болып өтти. Таңлаўға клуб ағзалары қатнасты.
Жарысты Қарақалпақ мәмлекетлик университетиниң мәлимлеме-ресурс орайы директоры Н. Шариғатова ашып берди ҳәм қатнасыўшыларға әўмет тиледи.
Таңлаў 3 басқыштан ибарат болып, 1-шәртте қарақалпақ, өзбек, жәҳән әдебияты ўәкиллери өмири ҳаққында мағлыўмат бериў, 2-шәрт көркем шығармалардың мазмунын айтыў, 3-шәрт шайырлардың қосықларын көркемлеп оқып бериў.
Жарыс қызықлы ҳәм көтериңки руўхта болып өтти.
Таңлаў жуўмағында 1-орынды Қарақалпақ филологиясы ҳәм журналистика факултети 2-курс студенти Айнура Оразбаева, 2-орынды Қарақалпақ филологиясы ҳәм журналистика факултети 2-курс студенти Пирназарова Улзыйпа, 3-орынды Көркем-өнер факультети 2-курс студенти Алланазаров Ахмет ийеледи.
Сабыр Ибраймов,
Шет тиллери факултети
«Китапқумарлар» клубы жетекшиси.
