Usı jıldıń 12-mart kúni «Kitapqumarlar» klubı aǵzaları universitettiń Baspasóz xızmeti jumısları barısında pikir alıstı.
Ushırasıwdı «Kitapqumarlar» klubı baslıǵı Rawshan Qalmurzaeva ashıp berdi. Ol kitapqumarlar klubınıń iskerligi haqqında, jetiskenlikleri haqqında tanıstırıp ótti. Klub jetekshileri Orınbaev Aydos, Sársenbaev Tańbay hám Naurızbaev Turdıbekler klubtıń dógerekleri haqqında keńnen maǵlıwmat berdi.
Baspasóz xızmeti baslıǵı Gúljáhán Tájetdinova jaslarǵa KARSU.UZ saytında jarıtılatuǵın maqalalarǵa qoyılatuǵın talaplar haqqında túsindirip ótti. Erkin túrde sáwbet formasında ótken ilajda jaslar ózlerin qızıqtırǵan sorawlarına juwaplar aldı.
Miymanǵa «Kitapqumarlar» klubı tárepinen klubtıń embleması sawǵaǵa berildi.
Turdıbek Naurızbaev
Qaraqalpaq filologiyası hám jurnalistika fakulteti
3-kurs studenti, «Kitapqumarlar» klubı aǵzası.
