Усы жылдың 19-март күни Қарақалпақ мәмлекетлик университети мәденият сарайында Қурылыс факультети питкериўшилери менен илим, билимлендириў ҳәм өндирис интеграциясын тәмийнлеў мақсетинде ушырасыў болып өтти.
Ушырасыўдан тийкарғы мақсет Өзбекстан Республикасы Президентиниң 2017-жыл 27-июльдағы «Жоқары мағлыўматлы қәнигелер таярлаўдың сапасын арттырыўда экономика салалары менен тармақларының қатнасын буннан былай да кеңейтиў иләжлары ҳаққында»ғы ПҚ-3151- ҳәм де 2018-жыл 7-май күнги “Экономика тараўлары ҳәм тармақларына инновацияларды енгизиў механизмлерин жетилистириў бойынша қосымша иләжлар ҳаққында”ғы ПҚ-3698-санлы қарарларында белгиленген ўазыйпалардың орынланыўын тәмийинлеў болып табылады.
Өткерилген ушырасыўға Қарақалпақстан Республикасы Қурылыс министрлиги, Үй-жай коммунал хызмет көрсетиў министрлиги, Суў хожалығы министрлиги ҳәм Өзбекстан Республикасы Илимлер Академиясы Қарақалпақстан бөлиминен кәнигелер өз баянатлары менен қатнасты.
Ушырасыў саўал жуўап тәризинде өткерилип, студентлер өзлериниӊ кызықтырған сораўларына кәнигелерден жуўаплар алды.
Жаслар менен ислесиў бойынша декан орынбасары С.Нурниязов
