Университеттиӊ Экономика факультетинде 15- апрель күни шет елде окыў ҳәм қәнигелигин жетилистириў бойынша «World.uz» агентлигиниӊ Нѳкис филиалы қәнигеси И.Алланазарова тәрепинен семинар тренинг шѳлкемлестирилди.
«World.uz» 2006- жылдан берли студентлерди шет елге оқыўға жибериў менен шуғылланып киятырған Өзбекстандағы жетекши агентлик есапланады. Ҳәзирги күнде агентликтиӊ дүнья бойлап 2000 нан аслам жойбарлары бар. Агентликте AҚШ, Aнглия, Германия, Франция, Полша, Латвия, Чехия ҳ.т.б мәмлекетлердиӊ топ 1000 ға киретуғын рейтинг кѳрсеткишлери жоқары университетлерине оқыўға кириў ҳәм жоқары мағлыўматқа ийе болыў ушын арнаўлы таярлық курслары шѳлкемлестирилген. Таярлық курсларында инглис, испан, француз, италян, қытай, корейц ҳ.т.б тиллери үйретиледи. Соныӊ менен биргеликте таярлық курсларында IELTS, TOEFL, CEFR имтиханларына таярлаў да жолға қойылған. Семинар тараў қәнигеси ҳәм студент жаслар ортасында қызғын сораў-жуўаплар менен ѳткерилди.
Экономика факультети декан орынбасары:
Н.Бегленов
