Ҳәр оқыў жылының бәҳәрги семестри ақырында Қурылыс факультети 3-курс студентлери өндирислик практикасын өтиў ушын қурылыс мекемелери ҳәм өндирис кәрханаларына жибериледи. Быйылғы оқыў жылында да 5340200 – Имаратлар ҳәм иншаатлар қурылысы бакалавр бағдары 3-А курс студентлериниң өндирислик практикасы 2021-жылдың 26-апрель сәнесинен баслап Нөкис қаласында жайласқан өндирис кәрханалары ҳәм қурылыс майданларында өткерилмекте.
Студент жаслар бул өндирислик практикасы даўамында өзлериниң «Қурылыс машиналары, Қурылыс процесслери технологиясы», «Имарат ҳәм иншаатларды тиклеў технологиясы» ҳәм «Темирбетон ҳәм тас конструкциялары» сыяқлы қәнигелик пәнлеринен алған теориялық билимлерин беккемлеў ҳәм қурылыс өндирисиниң технологиялық процесслери менен әмелде танысыў имканиятларына ийе болмақта.
Имарат ҳәм сооружениелер қурылысы кафедрасы оқытыўшысы У.Мамутов
