YuNESKO  isleri  boyınsha  Ózbekstan  Respublikası  Milliy  komissiyasınıń maǵlıwmatına bola 2021-jıl ushın “Hámmeni qamtıp alıwshı (inklyuziv) aralıqtan hám sanlı sawatlılıq” temasına arnalǵan Sawatlılıq salasındaǵı Xalıqaralıq sıylıg’ı ja’riyalang’an. Bul sıylıq tómendegilerdi óz ishine aladı:

– Patsha Sejong atındaǵı Koreya Respublikası tárepinen qarjılandırılatug’in “Ana tili sawatlılıg’ın rawajlandırıw”ǵa úles qosqan kandidaturalardı xoshametlewge qaratılǵan YuNESKO sıylıǵı;

– Konfutsiy atındaǵı Qıtay Xalıq Respublikası tárepinen qarjılandırılatug’in “Awıl aymaqlarındaǵı texnologiyalardan paydalanǵan halda úlken jastag’ılar hám jaslardıń sawatlılıg’ın asırıwǵa” úles qosqan kandidaturalardı xoshametlewge qaratılǵan YuNESKO sıylıǵı.

 Tańlaw shártlerine kóre, Patsha Sejong atındaǵı sıylıq úsh kandidaturag’a (hár birine 20000 AQSh dollarınan) hám de Konfutsiy atındaǵı sıylıq úsh  kandidaturag’a (hár birine 30000 AQSh dollarınan) usınıs etiledi. Tańlawda jeńimpaz bolǵan kandidaturalar arnawlı medal, diplom hám aqshalay sıylıqlar  menen sıylıqlanadı. Usı YuNESKO tańlawı boyınsha tolıq maǵlıwmatlardı tómendegi veb-sayt arqalı alıw múmkin: https://en.unesco.org/themes/literacy/prizes

YuNESKOnin’ sawatlılıq tańlawında qatnasıw ushın kandidaturalar www.unesco.org/ilp/account veb-betinde dizimnen ótiwi kerek. Dizimnen ótkennen keyin tańlawda qatnasıw ushın veb–bette keltirilgen arnawlı forma kandidaturalar tárepinen onlayn tárzde toltırılıp jiberiliwi zárúr.

Onlayn hújjet tapsırıw múddeti: 2021-jıl 13-iyun.

YuNESKO sorawına bola onlayn usınıs etilgen kandidatura arzaları YuNESKO jumısları boyınsha Milliy komissiya xatkeri tárepinen usı (ámeldegi jıl) 27-iyun kúnine shekem tastıyıqlanadı.

Tańlaw menen baylanıslı bolǵan qosımsha maǵlıwmat ushın literacyprizes@unesco.org elektron ma’nziline baylanısıń.