Бүгин 3–июль күни өткерилген онлайн ушырасыӯда Бердақ атындағы Қарақалпақ мәмлекетлик университети Малайзияның Линкольн университети менен бирге ислесиўди жолға қойыӯ мәселелери бойынша пикир алмасты.

Ушырасыўды Өзбекстанның Малайзиядағы елшиханасы ўәкили Элбек Саидов ашып берди.

Бул университет пенен инглис тили, туризм бакалавр бағдарлары, сондай–ақ, инглис тили магистратура қәнийгелиги бойынша қоспа билимлендириў бағдарламаларын ашыў бойынша шәртнамаға қол қойылды.

Ушырасыўда Қарақалпақ мәмлекетлик университетиниӊ илимий ислер бойынша проректоры И.Турдымамбетов, Халық аралық бирге ислесиў бойынша проректоры А. Алымов, бөлим баслығы Ш.Шаниязов, Шет тиллер факультети деканы Дж.Курбанбаев, Малайзияның Линкольн университети президенти, профессор Др. Амия Бхаумик, Малайзияның Сити университетиниң проректоры Др. Гамал, Малайзияның Линкольн университети халық аралық студентлер менен ислесиў бойынша деканы Др. Рашиидлер қатнасты.

Проректор И.Турдымамбетов өз сөзинде бул университет пенен келешекте илимий бағдарларда да бирге ислесиў имканиятлары бойынша пикир алысты.

ҚМУ Баспасөз хызмети.