“El-yurt umidi” fondı 2021–jıl 20–iyuldan baslap shet el mámleketlerde bakalavriat, magistratura hám doktorantura baǵdarları tiykarında tálim alıw ushın 272 orınǵa mólsherlengen 3-ashıq stipendiya tańlawların daǵaza etedi!

 Mámlekettiń innovaciyalıq potencialın jáne de rawajlandırıwdı maqset etken kreativ pikir júritetuǵın jaslar, uqıplı professor-oqıtıwshılar, jas ilimpazlar hám ilimiy izertlewshilerdiń, pedagoglar hám qánigeler dıqqatına!

 “El-yurt umidi” fondı 2021-2022 oqıw jılı ushın abıraylı shet el mámleketlerde:

– bakalavriat tálim baǵdarı ushın 69 orın,

– magistratura tálim baǵdarı ushın 112 orın,

– doktorantura tálim baǵdarı ushın 91 orın, jámi 272 orın stipendiyalar ajıratıwın xabar beredi.

 Kandidaturalardıń hújjetleri 2021-jıl 20-iyuldan – 20-avgustqa shekem, respublikanıń barlıq aymaqları wákilleri ushın birden-bir tártip hám teń múmkinshilik tiykarında, onlayn rejimde hám elektron tárzde qabıl etiledi.

 Saralaw basqıshları 2021-jıl 20-avgusttan – 20-sentyabrge shekem dawam etedi.

 Saralaw tańlawına tiyisli barlıq maǵlıwmatlar “El-yurt umidi” fondınıń www.eyuf.uz, (http://admission.eyuf.uz)   saytı arqalı tolıq járiyalap  barıladı.