2021-jıl 27-avgustta Berdaq atındaǵı Qaraqalpaq mámleket universitetiniń shet tilleri fakultetinde Britaniya Keńesi wákili, sherikler menen islesiw boyınsha muwapıqlastırıwshı Amirsaid Sadıqov penen ushırasıw qatnasıwshılarda umıtılmas tásirler qaldırdı.
Ushırasıwda Atabek Alimov universitettiń xalıq aralıq baylanıslar boyınsha prorektori, sonıń menen birge, shet tilleri fakulteti dekanı Djavod Kurbanbayev kiris sóz benen basladı, Prezident jetekshiliginde bilimlendiriw tarawına úlken itibar qaratılıp atırǵanlıǵın aytıp ótti. Mámleketimizde tálim sistemasın jáne de jetilistiriw boyınsha qabıl etilgen párman, qararlardıń mánisi hám áhmiyeti haqqında keń aytıp ótti.
Amirsaid Sadıqov EILTS imtixanların tapsırıw hám qızıǵıwshılar ushın keń múmkinshilikler haqqında maǵlıwmat berdi.
Ilajda hámme ózlerin qızıqtırǵan sorawlarǵa juwap aldı. Ushırasıw juwmaǵında Amirsaid Sadıqov jaqsı qatnasqanlarǵa sıylıqlar tapsırdı.
Gauxar Djoldasova,
Ingliz til bilimi kafedrası baslıǵı
Qaraqalpaq mámleket universiteti
