Biologiya fakultetinde 16-sentyabr Xalıq aralıq ozon qatlamın qorǵaw kúnine baǵıshlanǵan  ushırasıw keshesi ótkerildi.

Ushırasıwǵa Ózbekstan Respublikası Ekologiyalıq partiyası Qaraqalpaqstan Respublikası partiya shólkemi aǵzaları, ekologiya hám topıraqtanıw kafedrası professor oqıtıwshıları, student jaslar hám ǵalaba xabar quralları wákilleri qatnastı. Ushırasıwda ozon qatlamınıń biosferadaǵı áhmiyeti, jemiriliw sebepleri hám kelip shıǵatuǵın ekologiyalıq mashqalar, jemiriliwdiń aldın alıw boyınsha islenip atırǵan jumıslar boyınsha keń túsinik berildi.

Ushırasıw soraw juwap formasında ótip, studentler ózlerin qızıqtırǵan sorawlarına juwaplar aldı.

Ekologiya hám topıraqtanıw kafedrası stajyor oqıtıwshısı Q.Turdıbaev