Chexiya Respublikasınıń Teplice qalasında “Perspektiva Plus” xalıqaralıq innovaciyalıq orayı tárepinen shólkemlestirilgen “Sheksiz ilim” hám “Ilimge qádem” atlı xalıqaralıq ilimiy

tańlawda universitetimiz magistrantları ilimiy jumısları menen qatnasıp, jeńimpaz bolganlıgı haqqında xabar bergen edik. 

Qaraqalpaq mámleketlik universiteti rektorı A.Reymov xalıqaralıq ilimiy tańlaw jeńimpazı bolǵan magistrantlarımızdıń biri Dauletbay Sarsenbayevtıń quwanıshları menen  bólisti.

Universitet rektorı jas ilimpazdıń ilim jolındagı izlenislerin joqarı bahalap,   ele de úlken maqsetlerge umtılıwında tabıslar tiledi.

Óz gezeginde jeńimpaz magistr da bunday jetiskenliklerinde ózi bilim alıp atırgan bilim dárgayınıń hám ustazlarınıń úlesi kóp ekenligin aytıp ótti.

Maǵlumat ushın aytıp ótetugın bolsaq, magistr Dauletbay Sarsenbayev  sońgı qısqa waqıttıń ishinde onnan aslam xalıqaralıq tańlawlarda jeńimpaz bolıp, bir qansha joqarı natiyjelerdi qolga kirgizgen edi.

Ózleriniń ilimiy jumısları menen xalıqaralıq ilimiy tańlawlarga qatnasqan Sarsenbayev Dauletbay Baktibayevich, Bekniyazova Gúlchexra Rustembayevna hám Menglibayev Arzubay Kuatbayevichlarǵa shólkemlestiriwshiler tárepinen statuetka, altın medal, diplom, sertifikat, estelik sawǵaları hám ilimiy basshılarına minnetdarshılıq xatı jiberilgen. Ustazlari texnika ilimleri boyınsha filosofiya doktorı, docent Reymov Kamal Mambetkarimovich, fizika-matematika ilimleri doktorı, professor Ismaylov Qanatbay Abdreymovich hám texnika ilimleri kandidatı, docent Bobojonov Yunus Matrizayevichler basshılıǵında ilimiy-izertlew jumısların alıp barmaqta.

QMU Baspasóz xızmeti