Búgin, 11-oktyabr kúni Berdaq atındaǵı Qaraqalpaq mámleketlik universitetinde respublikamızdaǵı joqarı oqıw orınları student jasları qatnasında «Student-jaslar hám saylaw» forumı bolıp ótti.
Jaslar forumına Oliy Majlis Nızamshılıq palatasınıñ deputatı, ÒzLiDeP frakciyası aǵzası Muxtar Ibragimov qatnastı hám shıǵıp sóyledi.
Forum barısında sózge shıqqanlar Ózbekstan Respublikası Prezidenti saylawınıń jaslar turmısında tutqan ornı hám áhmiyeti haqqında aytıp otip, jaslardı keleshegi ushın dawıs beriwge shaqırdı.
Forum sheńberinde Qaraqalpaqstan Respublikası Joqarı oqıw orınları student jasları arasında «Ádalatlı saylaw- abadan turmısımızdıń negizi» atamasında shıǵarmalar tañlawı shólkemlestirildi.
Tañlaw juwmaǵı boyınsha tóreshi quramı aǵzalarınıń malim etiwinshe birazdan soń maǵlıwmat beriledi.
QMU Baspasóz xızmeti
