Usı jıldıń 11-13- oktyabr aralıǵında Qaraqalpaq mámleketlik universitetinde saylaw huqıqı, onıń áhmiyeti haqqında «Saylaw hám jaslar» atamasında saylaw aldı úgit-násiyat ilajı ótkerildi.
Ilajda Ózbekstan Respublikası Oliy Majlisi Senatı janındaǵı jaslar parlamenti aǵzası, «Yuksalish» ulıwma milliy háreketi Qaraqalpaqstan Respublikası aymaqlıq bólimi koordinatorı Ǵ. Seytekov tárepinen Prezident saylawınıń áhmiyeti, saylaw kodeksi, saylaw nızamshılıǵına kirgizilgen ózgerisler hám de qosımshalardıń mazmun-mánisi haqqında maǵlıwmatlar berildi. Sonıń menen birge, jaslar – saylawǵa jurtımız turmısındaǵı eń áhmiyetli, jámiyetimizdiń barlıq iskerlik tarawılarında ámelge asırılıp atırǵan reformalardıń mazmun-mánisine tiyisli, hár bir saylawshı táǵdirine tásir kórsetetuǵın siyasiy waqıya retinde jantasıwları kerekligi ayrıqsha aytıp ótildi.
Ushırasıw dawamında jaslar saylawǵa baylanıslı ózlerin qızıqtırǵan sorawlarǵa juwaplar aldı.
