Университет ректоры, профессор Ахмед Реймов 2021 –жылдың 18- май сәнесинде Полесск мәмлекетлик университетинде хызмет сапарында болған ўақтында өз-ара бирге ислесиў, қоспа илимий ҳәм билимлендириў жойбарларын әмелге асырыўда бир қатар бағдарлар бойынша келисимге ерисилген еди. Мине усы бирге ислесиўлер бүгин нәтийжели даўам етпекте.
Усы жылдың 12-17-октябрь күнлери Белоруссия Республикасы Полесск мәмлекетлик университети «Экономика ҳәм бизнес» кафедрасы доценти, экономика илимлериниң кандидаты Зборина Ирина Михайловна ҳәм Полесск мәмлекетлик университети «Экономика ҳәм бизнес» кафедрасы баслығы, доцент, экономика илимлериниң кандидаты Игнатенко Юлия Владимировналар Қарақалпақ мәмлекетлик универистетинде 5 күнлик стажировкада болды.
Стажировка даўамында мийманлар Қарақалпақ мәмлекетлик университети «Экономика факультети тәрепинен шөлкемлестирилген «Санлы экономика шараятында регионаллық экономиканы раўажландырыў мәселелери» атамасындағы республикалық илимий-әмелий конференцияға қатнасты ҳәм 2-3-курс студентлерине “Санлы экономика” ҳәм “Мийнет экономикасы” пәнлеринен сабақ өтти.
Мийманлар университет ректоры А.Реймов қабыллаўында болды ҳәм келешектеги әҳмийетли бирге ислесиўлер бағдарында пикир алысты.
ҚМУ Баспасөз хызмети
