Húrmetli QMU studentleri, professor-óqɪtɪwshɪlar menen basqarɪw xɪzmetkerleri!
Málim etip bildiremiz, Erasmus+ baġdarlamasɪ KA-107 baġdarɪ boyɪnsha 2020-1-IT02-KA107-078197 sanlɪ joybarɪn qarjɪlandɪrɪw ushɪn taṅlawda jeṅimpaz dep tabɪldɪ. Joybar 2020-jɪl 1-avgustɪnan 2023- jɪldɪn 31-iyulɪna shekem dawam etedi.
Joybar sheṅberindegi taṅlawda jeṅimpaz dep tabɪlġan studentler 5 ay múddetke Italiyanɪṅ Sannio universitetine (https://www.unisannio.it/en) stajirovkaġa jiberiledi. Professor-oqɪtɪwshɪlar menen basqarɪw xɪzmetkerleri bolsa 1 háptege oqɪtɪw hám trening ushɪn jɪberiledi.
Studentler tiykarɪnan magistratura yamasa doktoranturada bilim alɪp atɪrġan bolɪwɪ hám “Qurɪlmalardɪ programmalastɪrɪw (embedded software)” tarawɪnda ilimiy hám ámeliy jumɪs alɪp barɪwlarɪ talap etiledi. Taṅlawda qatnaspaqshɪ bolsaṅɪz CV menen ilimiy máqset (proposal) jazɪlġan hújjetlerdi bpnj@mail.ru elektron pochtaġa jiberiwiṅiz soraladɪ.
