Úrgenish mámleketlik universitetinde “Kompleks analiz, geometriya hám dinamika” temasındaǵı xalıqaralıq konferenciyası boldı.

 2021-jıl 25-oktyabr – 6-noyabr kúnleri aralıǵında Úrgenish mámleketlik universitetinde Xalıqaralıq teoriyalıq hám ámeliy matematika orayı  (CIMPA – Centre International de Mathématiques Pures et Appliquées) hám xalıqaralıq matematikler awqamı  (CDC- Commission for Developing Countries, IMU-International Mathematical Union), Xorezm Mamun Akademiyası, Ózbekstan Milliy universiteti menen sheriklikte “Kompleks analiz, geometriya hám dinamika” temasındaǵı xalıqaralıq mektep (CIMPA school) aralas formada (online hám de offline) jumıs alıp bardı. Bul kúnler dawamında A. Sadullayev, prof. Judith Brinkschulte, prof. Eleonora Di Nezzalardıń lekciyaları tıńlandı. Bul mektep lekciyalarında respublikamızdaǵı Kompleks analiz, Geometriya hám Differensial teńlemeler tarawınıń jetik qániygelerinen prof. A. Xasanov, prof. A. Artikbayev, prof. R. Ashurov, prof. I. Ikromovlar hám respublika hám de shet el universitetleriniń 70 ten aslam qábiletli student, magistrant, doktorantları, solardıń ishinde Qaraqalpaq mámleketlik universiteti Matematika fakultetinen  K. Kalenbaev, R. Ońǵarbaev, N. Aytmuratov sıyaqlı ziyrek magistrantlar qatnasıp qayttı.

QMU Matematika fakulteti studenti S. Aytmuratova