Prezidentimiz Shavkat Mirziyoev basshılıǵında ótkerilgen májiliste mámleketimiz boylap «Jasıl mákan» ulıwma milliy joybarın ámelge asırıw ilajları kórip shıǵılıp, joybar sheńberinde jılına 200 million túp terek hám puta nállerin egiw, sol arqalı qalalardaǵı jasıl maydanlardı házirgi 8 procentten 30 procentke kóbeytiw jobalastırılǵanlıǵı atap ótilgen edi.

Usı jıldıń 10-dekabr kúnine shekem terek egiw boyınsha «áhmiyetli 40 kúnlik» járiyalandı.

«Áhmiyetli 40 kúnlik» járiyalanıwı múnásibeti menen Berdaq atındaǵı Qaraqalpaq mámleketlik universitetinde «Nál egip, baǵ jaratayıq» akciyası shólkemlestirildi.

Berdaq atındaǵı Qaraqalpaq mámleketlik universiteti jámááti, professor-oqıtıwshılar hám student jaslar elimizdi kóklemzarlastırıw islerine belsene qatnasıp atır.

 QMU Baspasóz xızmeti