9-dekabr – Xalıqaralıq korrupciyaǵa qarsı gúresiw kúni múnásibetine baǵıshlanıp Qaraqalpaq mámleketlik universitetiniń Yuridika fakulteti Qaraqalpaqstan Respublikası Hákimshilik sudı hám Qaraqalpaqstan Respublikası Ádillik ministrligi menen birgelikte úgit-násiyat jumısları alıp barılmaqta.

Búgin Qaraqalpaq mámleketlik universitetiniń Yuridika fakultetinde shólkemlestirilgen seminarǵa Qaraqalpaqstan Respublikası Ádillik ministrligi bólimi bas másláhátshisi N.Qutlımuratova, Qaraqalpaqstan Respublikası Hákimshilik sudı baslıǵı A.Nurlipesov hám Qaraqalpaqstan Respublikası Hákimshilik sudı sudyasi J.Aymaǵanbetovalar qatnastı.

Qatnasıwshılarǵa korrupciyaǵa qarsı gúresiw boyınsha qabıl etilgen normativ-huqıqıy hújjetler sonıń ishinde “Korrupciyaǵa qarsı gúresiw haqqında”ǵı Nızam, Ministrler Kabinetiniń 2020-jıl 31-dekabrde qabıl etilgen 829-sanlı Qararı hámde Prezidentimizdiń usı tarawda qabıl etilgen PQ-5177, PQ-5263-sanlı Qararları, PP-5729, PP-6013-sanlı Pármanları hámde ámelge asırılıp atırǵan reformalar boyınsha tolıq maǵlıwmat berdi.