Қарақалпақ мәмлекетлик университети Қурылыс факультетинде усы жылдыӊ 24-ноябрь күни АҚШтыӊ Висконсон-Милуоки университети профессоры Илья Авдеевтиң ««АҚШ, Висконсон-Милуоки университетинде кредит технологиясы, академиялық мәсләҳәтши ҳәм тьюторлықтыӊ әҳмийети»-«Кредитная технология, значение тюторства и академических советников в университете Висконсон-Милуоки, США» атамасында семинар болып өтти. Өткерилген семинарда АҚШ Висконсон-Милуоки университетинде оқыў процесинде кредит системасында алып барылыўы, академиялық мәсләҳәтши ҳәм тьютор искерлигиниң өзгешелиги ҳаққында кең додаланды.
Семинарға Қурылыс факультети профессор оқытыўшылары, магистрантлар ҳәм студент жаслары исшеӊ қатнасып, өзлерин қызықтырған сораўларына жуўаплар алды. Сондай-ақ, бул онлайн режиминде өткерилген семинарға Республикамыздың басқада ЖОО лары, атап айтқанда Ташкент архитектура қурылыс институты, Жиззақ политехника институты, Наўайы кәншилик институты Нөкис филиалы профессор-оқытыўшылары ҳәм студент жаслары да қатнасып, қызғын сораў-жуўапларға бай болып өтти.
