Қарақалпақстан Республикасы мәмлекетлик салық басқармасында Ашық есиклер куни ҳәм де 9-декабрь Халықаралық Коррупцияға қарсы гүресиў күни мунәсибети менен семинар шөлкемлестирилди. Бул семинарда “Финанс” кафедрасы Халықаралық финанс ҳәм мәмлекетлик финанс қәнийгелиги 2-курс магистранты Ш.Бийсенбаев, Каракалпакстан Республикаси мамлекетлик салык баскармасы баслығының орынбасары Сабит Ерниязов, Кадрлар бөлими баслығы Мурат Утамбетов, “Бухгалтериялық есап ҳәм аудит” ҳәм “Финанс” топарлары 4-курс студентлери қатнасты.

Семинарда студентлер менен коррупцияныӊ алдын алыў мәселеси бойынша талқылаўлар алып барылды ҳәм студентлердыӊ бул бойынша пикир ҳәм усыныслары тыӊланды.

Соныӊ менен бирге студентлерге салық тараўы бойынша әҳмийетли мағлыўматлар берилди, бугинги кундеги өзгерислер ҳәм жумысқа алыў тәртиби менен кеӊнен танысты, өзлерин қызықтырған сораўларына жуўаплар алды.

Семинар соӊында Кадрлар бөлими баслығы Мурат Утамбетов студентлерди салық басқармасындағы жумыс барысы менен таныстырды. Бул болса студентлердиӊ бул тараўға болған қызығыўшылығыныӊ және де артыўына хызмет қылады. 

Халықаралық финанс ҳәм мәмлекетлик финанс қәнигелиги 2-курс магистранты Ш.Бийсенбаев