Joqarı oqıw orınları arasında Ózbekstan Respublikası kóleminde ótkerilgen «Reformalar bilimdanı» keń tarmaqlı respublika ilimiy-aǵartıwshılıq tańlawınıń «Eń belsendi hayal-qızlar másláhát keńesi baslıǵı» nominaciyası boyınsha qatnasıp, hayal-qızlar máseleleri boyınsha rektor másláhátshisi I.Seytnazarova 1-orın jeńimpazı boldı.

 Injayım Seytnazarova óziniń kóp jıllıq miyneti hám universitet student qızlarınıń ádep- ikramlılıǵı, tárbiyası hám álbette, kóplegen jetisenliklerge erisiwinde jan-táni menen jumıs islep kiyatırǵan pidayı hayal-kızlardıń biri. Maqtanısh etiwge arzıytugın islerin barmaq búgip sanap otırıw orınsız, sebebi, búgingi kúnde jámiyetimizde úlken jetiskenliklerge erisip atırǵan student qızlarımızdıń hár bir tabısında Injayım apanıń qosqan úlesi, bergen másláhátleri, kórsetken jol- jobası júdá girewli.

Usınday mashaqatlı jumıslarda ustazımız Injayım Seytnazarovaǵa tawsılmas kúsh-ǵayrat tileymiz. Bunnan da kóplegen tabıslarǵa erise beriwin tileymiz!

Ziyrek studentler menen islesiw boyınsha metodist P.Abdirazakova