Ximiya-texnologiya fakulteti hár kúni derlik bir jańalıq penen shıǵıp turıwǵa tırıstı. Atap aytqanda QHZ kórik tańlawı, Sporttıń «MINI FUTBOL» túri, «Kitapqumarlıq», «Sheber qollar» hám álbette bilimlilerdiń bilimin, ziyreklerdiń ziyrekligin asıratuǵın, hár tárepleme logikalıq oylanıwdı talap etetuǵın «ZAKOVAT» intellektual tańlawıda ótkerilip kelinbekte. Jıl juwmaǵı sheńberinde jańa jıl aldı «ZAKOVAT»intellektual jarısınıń 1-máwsim VII turı ótkerildi. Ilimge qumar ziyrek studentlerimizden  dúzilgen komandalar  qatnastı. Sorawlar quramlı biraq komandalar ziyrek hámde tapqır. Qızǵın bellesiwge bay bolǵan tańlawdı topar tyutorları baqlap bardı. Tańlaw juwmaǵına kelip «Jayhun» komadası 3-orın, «Turan» komandası 2-orın, Piramida komandası sıylı 1-orındı jeńip alıwǵa miysar boldı. Tańlaw jeńimpazları fakultet dekanatı tárelinen tayarlanǵan diplom, kitaplar hámde qımbat bahalı sawǵalar menen Ximiya-texnologiya fakulteti jaslar menen islesiw boyınsha dekan orınbasarı Ǵ. Sultanov tárepinen tapsırıldı hám tańlawdıń kelesi máwsimi fevral ayında baslanatuǵınlıǵın atap ótti.

Ximiya-texnologiya fakulteti jetekshisi

Nilufar Kuzdibaeva