Қарақалпақ филологиясы ҳәм журналистика факультетинде усы жылы 28-декабрь күни гезектеги Факультет Кеңеси болып өтти. Мәжилисти факультет деканы Қ.Турдыбаев ашып берди ҳәм басқарып барды. Күн тәртибиндеги мәселелер қарап шығылғаннан кейин Қарақалпақ тил билими кафедрасының пидайысы, филология илимлериниӊ кандидаты, доцент Пахратдинов Қуралбай Атаубаевичтиӊ 60 жасқа толыў мүнәсибети менен факультет жәмәәтиниң қутлықлаўы болды.

Мәжилисте профессор Қ.Оразымбетовтың «Қарақалпақ тил билиминиң пидайысы» атлы баянаты тыңланды. Баянатта устаз Қ.Пахратдиновтың илимий дөретиўшилик ҳәм педагогикалық жетискенликлери ҳаққында оның илим жолындағы ислеген искерлиги ҳәм жемисли мийнети тилге алынды.

Оннан кейин профессор Қ.Жаримбетов, доцент Ш.Алланиязова, доцент Г.Айназарова, доцент Б.Генжемуратовлар Қ.Пахратдинов ушын өзлериниң жақсы тилеклерин, қутлықлаўларын билдирип өтти. Мәжилис соңында университет ҳәм факультет жәмәәтиниң естелик саўғалары тапсырылды.

З.Жуманов,

 Факультет жаслар менен

 ислесиў бойынша декан орынбасары