Intalı jas programmistlerdi anıqlaw, studentlerdiń bul jónelistegi qızıǵıwshılıǵı hám pikirlewdi oyda sáwlelendiriw álemin asırıw, múmkinshiliklerin ashıw, sonıń menen birge, jaslardı nátiyjeli dóretiwshilik hám professional baylanıslardı ornatıw, programmist qánigelerin ǵalabalastırıw maqsetinde usı jıldıń 24-25- dekabr kúnleri “Jas programmist” Qaraqalpaqstan Respublikası tańlawı bolıp ótti.
Tańlaw nominatsiyaları tómendegishe:
- “Eń jaqsı sayt”
- “Milliyoyınlar” mobil qosımshası
- “Qaraqalpaq folklorı” mobil qosımshası
- “Eń jaqs ıQaraqalpaqt ilindegi multfilmler” jaratıw
- “Eń jaqsı anglichan tilin úyretiwshi Qaraqalpaq tilindegi programma” mobil qosımshası
Bolıp ótken tańlawda “Eń jaqsı sayt” nominaciyası boyınsha Qaraqalpaq mámleketlik universiteti“ Algoritmlestiriw hám programmalastırıw texnologiyaları” kafedrası 1-kurs magistrantı Qudaynazarov Muxammed óziniń islep shıqqan “Karsu Judge” saytı menen sıylı 1-orındı iyeledi hám 3 000000 so’m pul sıylıǵı menen sıylıqlandı.
Go‘zal Gulmirzayeva.
Algoritmlestiriw hám programmalastırıw texnologiyaları kafedrası, Ámeliy matematika 1-kurs magistrantı
