Usı jıldıń 8-yanvar kúni Berdaq atındaǵı Qaraqalpaq mámleketlik universiteti tárepinen Qaraqalpaqstan Respublikası kóleminde “Mental arifmetika” ashıq olimpiadası ótkerildi. Bunday olimpiadanı ótkeriwdegi maqset balalardı qollap- quwatlaw hám olardıń arasınan qábiletli, intalı balalardı anıqlaw bolıp tabıladı. Bunda Nókis qalası hám basqa da rayonlardan 4-12 jas aralıǵında jámi 250 den zıyat mental arifmetikaǵa qızıǵıwshı balalar qatnastı. Oqıwshılardıń bilim dárejesin bahalap barıw hám bilimler bellesiwiniń ádil túrde ótiwin Universitettiń Matematika fakulteti professor- oqıtıwshıları hám Mental arifmetikadan arnawlı qániygeler qadaǵalap bardı.

Olimpiada juwmaǵında 4-8 jasar asında “A” kategoriyası boyınsha;

1-orın:125 mıń som; 2-orın-100 mıń som hám 9-12 jaslılar arasında 1-orındı iyelegen balalarǵa 75 mıń som muǵdarında pul sıylıqları tapsırıldı.

Sonday-aq, “B” kategoriyası boyınsha bellesken oqıwshılarǵa 1-orın: 200 mıń som; 2-orın: 175 mıń som; 3-orın: 150 mıń som, al, “C” kategoriyası boyınsha jeńimpazlıqtı qolǵa kirgizgen balalarǵa 1-orın ushın: 350 mıń som; 2-orın 300 mıń som; 3-orın: 250 mıń som muǵdarında sıylıqlandı.