Қарақалпақ филологиясы ҳәм журналистика факультетинде 2022-жылы 10-январь күни Факультет мәжилиси болып өтти. Мәжилисти факультет деканы Қ.Турдыбаев ашып берди ҳәм басқарып барды. Күн тәртибиндеги мәселелер қарап шығылғаннан кейин Журналистика кафедрасының устазы, филология илимлериниӊ кандидаты, доцент Абдимуратов Апсемет Узакбергеновичтиӊ 60 жасқа толыў мүнәсибети менен факультет жәмәәтиниң қутлықлаўы болды.
Мәжилисте журналистика кафедрасының баслығы, доцент Д.Бекбаулиев «Журналистика илиминиң пидайысы», кафедра доценти Б.Палўановтың «Әдиўли ҳәм талапшаң устаз» темасындағы баянатлары тыңланды.
Баянатта устаз А.Абдимуратовтың илимий дөретиўшилик ҳәм педагогикалық жетискенликлери ҳаққында, оның илим жолындағы ислеген искерлиги ҳәм жемисли мийнети тилге алынды.
Оннан кейин профессорлар Қ.Жаримбетов, Ш.Абдиназимов, Қ.Оразымбетов, доцент М.Жумамуртовалар юбилярға өзлериниң жақсы тилеклери менен қутлықлаўларын билдирип өтти. Мәжилис соңында университет ҳәм факультет жәмәәтиниң естелик саўғалары тапсырылды.
З.Жуманов – Факультет жаслар менен
ислесиў бойынша декан орынбасары
