Usı jıldıń 13-yanvar kúni Matematika fakulteti «Algoritmlestiriw hám programmalastırıw texnologiyaları» kafedrası baslıǵı, docent B.S.Samandarov tárepinen HEMIS (Higher Education Management Information System) platformasınan paydalanıw haqqında ámeliy seminar-trening bolıp ótti.

Seminar treningde professor-oqıtıwshılardıń HEMIS (Higher Education Management Information System) platformasınan paydalanıw kónlikpelerin asırıw názerde tutılǵan bolıp, bul platformada pánler boyınsha tiyisli maǵlıwmatlardı jaylastırıw, studentler ushın tapsırmalar jaratıw, studentlerdiń bilimlerin bahalaw, professor-oqıtıwshılardıń ilimiy hám metodikalıq miynetlerin sistemaǵa kiritiw, sonday-aq, hújjetler almasıwınıń óz-ara integraciyasın támiyinlew haqqında aytıp ótildi.