Ekonomika  fakulteti  Hayal-qızlar máslaxat kennesi tárepinen 04 fevral 2022 jılı  “2022-2026-jıllarǵa mólsherlengen  Jańa Ózbekstannıń  rawajlanıw strategiyasınıń mazmun-áhmiyeti” atamasında student jaslarǵa onlayn seminar shólkemlestirildi. Seminardı ekonomika fakulteti Hayal-qızlar máseleleri boyınsha dekan máslahatshisi Madenova Elmira basqardı  hám alıp bardı. Prezidentimiz  tárepinen 2022-jıldı “Insan máplerin támiyinlew hám belsendi máhalle jılı” dep belgiliniwinińde úlken áhmiyetke iye.

 Mámleket dásturleriniń tastıyıqlanıwı da – bizler, Hayal-qızlarǵa, student qızlarımızǵa degen úlken itibardıń qaratılıp atırǵanlıǵınan rawajlanıw strategiyasınıń mazmuninanda kóriwimisge boladi deydi Elmira apa.  Ulıwma ekonomikalıq pánler kafedrası baslıǵı, ekonomika ilimleri kandidatı, professor Utemuratova Gulnara 2022-2026-jıllarǵa mólsherlengen  Jańa Ózbekstannıń rawajlanıw strategiyasınıń mazmunın hár bir bólimine, ondaǵı 21, 22, 23, 24 maqsetlerge 69, 70 maqsetlerge hayal-qızlarımızǵa ajıratılǵan imkaniyatlarǵa  ayrıqsha toqtap ótti.

Seminar miymanı Hayal-qızlar másláhát keńesi baslıǵı, hayal-qızlar  máseleleri boyınsha rektor máslahatshisi Injayim apa Seytnazarova jaslarǵa mámleket tárepinen berilip atırǵan imkaniyatlardan tuwrı paydalanıw kerekligi, sonday-aq universitetimizde islep atırǵan dógereklerge belsene qatnasıwǵa kásip menen qosa ónerli, pázendelik sırların úyreniwge universitetimizde tolıq imkaniyatlar esigi ashıq ekenligin aytıp ótti. Seminarda  student jaslar  tárepinen strategiya boyinsha berilgen  sorawlarǵa   toliq juwaplar berildi.    

Ekonomika fakulteti studenti: 

                                  J. Baltabaeva