Berdaq atındaǵı Qaraqalpaq mámleketlik universiteti hayal-qızlar keńesi tárepinen ótkerilgen bıl kesheni universitet rektorınıń hayal-qızlar máseleleri boyınsha máslahátshisi I. Seytnazarova ashıp berdi hám qatnasıwshı hayal-qızlardı kirip kiyatırǵan bayram menen qutlıqlap, olardıń oqıwlarına áwmet, jumıslarına tabıslar tiledi.
Zulfiya Israylovanıń tuwılǵan kúni múnásibeti menen shólkemlestirilgen bul keshege
Qaraqalpaqstan Respublikasına miyneti sińgen mádeniyat xizmetkeri , » Doslıq » ordeni iyesi, shayıra Gúlistan Dawletova ,
Zulfiya atındaǵı Mámleketlik sıylıg’ı iyeleri Ózbekstan kompozitorları awqamı aǵzası, 2004- jıl Zulfiya atındaǵı mámleketlik sıylıqı iyesi Ayjamal Turemuratova, Qaraqalpaq mámleketlik universiteti Qaraqalpaq filologiyasi hám jurnalistika fakulteti, jurnalistika kafedrası docenti, filologiya ilimleri filosofiya doktorı (PhD) Qumar Begniyazova , Qaraqalpaq mámleketlik universiteti Qaraqalpaq filologiyasi hám jurnalistika fakulteti, jurnalistika kafedrası oqıtıwshısı Aysholpan Orazımbetova hám studen jaslar qatnastı.
Sózge shıqqan Zulfiya atındaǵı mámleketlik sılıq jeńimpazları bolǵan qızlar hám shayıra ustazımız G.Dawletova óz turmıs tájiriybeleri, miynetleri menen bólisip , jas dóretiwshiler ushın túrli kórsetpe hám máslahátlar berdi.
Student qızlar bolsa Zulfiya Isroilova dóretiwshiligi boyınsha óz pikir hám bilimlerin bildirip , Iláj dawamında qızlar tárepinen Zulfiya Israilova qálemine tiyisli bolǵan qosıqlar tásirli tárzde oqıp berildi.Jáne de, qatnasıwshılar ózleri qızıqtırǵan sorawlardı berip, olarǵa tolıq hám kewilli juwaplar aldı.
Keyingi náwbette bolsa, studentler tárepinen tayarlanǵan shıraylı gúldásteler , miymanlar qálbine taǵı bir báháriy kewil xoshlıǵın inám etti.
Iláj sońında, Kórkem óner fakulteti studentleri tárepinen tayyarlang’an koncert baǵdarlaması bolsa, bárshege birdey ádebiy, mádeniy zawıq bere aldı desek, qáte bolmaydı!
G’ayipbaeva Dinara.
QMU Sanaat texnologiyası fakulteti
3-kurs studenti, «Qızlarjan» klubı aǵzası.
