«Анық пәнлерди оқытыўда заманагөй билимлендириў технологиялар ҳәм интерактив методлардан нәтийжели пайдаланыў» атамасында Республикалық әмелий-семинар |

«Анық пәнлерди оқытыўда заманагөй билимлендириў технологиялар ҳәм интерактив методлардан нәтийжели пайдаланыў» атамасында Республикалық әмелий-семинар

Бүгин, 28-февраль күни Бердақ атындағы Қарақалпақ мәмлекетлик университетинде Қарақалпақстан Республикасы Халық билимлендириў министрлиги ҳәм В.И.Романовский атындағы Математика институты Қарақалпақстан бөлими менен биргеликте Математика, информатика ҳәм информациялық технологиялары «Пән айлығы» тийкарында «Анық пәнлерди оқытыўда заманагөй билимлендириў технологиялар ҳәм интерактив методлардан нәтийжели пайдаланыў» атамасында Республикалық әмелий-семинар болып өтти. Семинарды Математика факультети деканы, физика-математика илимлери докторы, доцент Ж.Сейпуллаев кирис сөз бенен ашып берди. Семинарда Математика факультетинен «Алгоритмлестириў ҳәм программаластырыў технологиялары» кафедрасы баслығы доцент Б.Самандаров «IT стартап» атамасында, «Функционаллық анализ, алгебра ҳәм геометрия кафедрасы» доценти А.Алауадинов «Мектеп оқыўшылары ушын арналған математика пәнинен олимпияда мәселелери» атамасында, Республикалық билимлендириў орайынан математика пәни методисти З.Жанибекова «Математика сабақларын интерактив методлар ҳәм инновацион педагогикалық технологиялар жәрдеминде өткериў» атамасында ҳәм информатика пәни методисти В.Алламуратова «Улыўма билим бериў мектеплеринде ИКТ пәнин заманагөй билимлендириў технологиялары қуралларында оқытыў механизмлерин раўажландырыў» атамасында баянат иследи.