Qaraqalpaq mámleketlik universitetiniń Biologiya fakulteti Ekologiya hám topıraqtanıw kafedrası professor-oqıtıwshıları, doktorantları hámde magistrantları tárepinen 2022-jıl 1-mart kuni  Topıraqtanıw pánine tiykar salǵan alım V.V.Dokuchaevtıń tuwılǵan kunine baǵıshlanǵan ushırasıw bolıp ótti. Bul ushırasıwda magistrantlardan  G.Mambetova ullı rus alımı  V.V.Dokuchaevtıń ómir bayanı hámde ilimiy miynetleri, K.Allambergenova  V.V.Dokuchaevtıń shakirtleri hám olardıń ilimiy miynetleri, N.Biysenbaeva “Aral teńizi haqqında tiykarǵı faktlar hám usınıslar”, R.Isaev “Aqbetkey arxipelagi landshaftları topıraǵı  hám  janlikler faunası” hámde 1-kurs tayansh doktorantı G.Ilyasova “Aral teńizinıń qurıǵan jerlerinıń fizikalıq, agroximiyalıq hám biologiyalıq qasiyetlerin úyreniw” atamasındaǵı ilimiy jumısı haqqında qısqasha maǵlıwmatlar berdi. Ushırasıwda studentler ózlerin qızıqtırǵan sorawlarına tolıq maǵlıwmatlardı aldı. Ushırasıw júda qızıqlı hám mazmunlı ótkerildi.