Shet tiller fakulteti Inglis tili ha’m ádebɪyatɪ kafedrasɪ professor oqɪtɪwshɪlarɪ tárepinen 1,2,3,4 kurs studentleri arasɪnda Kommunɪkativ leksika (Sóz baylɪg’ɪn asɪrɪw) páni boyɪnsha «Spelling Bee» tan`lawɪ shólkemlestirildi. Bul tan’lawda hár bir qatnasɪwshɪ inglis tilindegi sózlerdi jazba tu’rinde, yag’nɪy háriplep aytɪp beriwi kerek edi. Sózlerdin’ qɪyɪnshɪlɪq dárejesi basqɪshpa-basqɪsh artɪp bara beredɪ, hám finalda u’sh qatnasɪwshɪ qalɪp, 1-2-3-orɪnlar ushɪn gu’resedi.
Bunday tu’rdegi tan’lawlar birinshi márte Amerika Qurama Shtatlarɪnda payda bolg’an. Du’nyanɪn’ kóplegen tillerine salɪstɪrg’anda, inglis tilinde fonemalar sanɪ kem bolɪwɪna qaramastan, birneshshe grafemalar arqalɪ berilip, sózlerdin’ jazɪlɪwɪ menen aytɪlɪwɪnda ózgeshelikler kelɪp shɪg’adɪ, bunda aldɪnnan sózlerdin’ jazba tu’rin bilmesten, olardɪ háriplep sózlik mánisin aytɪp beriw qɪyɪnshɪlɪqtɪ talap etedɪ. Usɪnday qɪyɪnshɪlɪqlarg’a qaramastan, fakultetimiz studentleri tan’lawda belsendilik kórsetip, 212 topar studentɪ Muratova Arujan birinshi orɪndɪ, 308 topar studentɪ Khakimova Mohida ekinshi orɪndɪ, al 311 topar studentɪ Paraxatova Nilufar u’shinshi orɪndɪ alɪwg’a mɪyassar bold’. Jen’ilpazlardɪ kafedramɪz baslɪg’ɪ f.i.k. Z. Uteshova jetiskenlikleri menen qutlɪqlap, bunday tu’rdegi tan’lawlar inglis tili u’yreniwshileri ushɪn ju’dá u’lken áhmiyetke iye ekenligin, olardɪn’ sawatxanlɪg’in asɪrɪp, sóz baylɪg’ɪnɪn’ ken’eyiwine ja’rdem beretug’ɪnlɪg’ɪn atap ótti.