Student bántligin támiyinlew usı kunge shekem awır másele bolıp kelgen edi. Biraq, bul mashqala Prezidentimiz tárepinen “Joqarı oqıw orınları studentleri jumıs islep dáramat tabıwı ushın qosımsha imkaniyatlar jaratıw” atamasına baǵıshlap ótkergen videoselektor májilisinde óz sheshimin taptı.

Usı jıldıń 18-mart kúni Berdaq atındaǵı Qaraqalpaq mámleketlik universitetinde Miynet yarmarkası bolıp ótti.

– Universitetimizde shólkemlestirilip atırǵan miynet yarmarkası student jaslarımız ushın, ásirese, jumıs islew hám qosımsha dáramat tabıwǵa mútájligi bar jaslarımızǵa úlken imkaniyat beredi. Eń dáslep usınday imkaniyat hám atalarsha ǵamxorlıǵı ushın Húrmetli Prezidentimizge shın kewilden minnetdar bolıp, bildirip atırǵan isenimin aqlaw hár birimizdiń ádiwli minnetimiz, -dep atap ótti rektor A. Reymov kiris sózinde.

Miynet yarmarkasında Qaraqalpaqstan Respublikası Ministrler Keńesiniń Sekretariatı baslıǵı B.Ayımbetov, Qaraqalpaqstan Respublikası Bántlik ham miynet qatnasıqları ministriniń orınbasarı Ó.Qazaqbaevlar qatnastı hám shıǵıp sóyledi.

Bugin shólkemlestirilgen Miynet yarmarkasına 70 ke jaqın mekeme hám kárxanalar mıńnan aslam bos jumıs orınları menen qatnastı.

Shólkemlestirilgen boc jumıs orınları yarmarkanıń tiykarǵı maqseti jumıs beriwshiler menen tuwrıdan-tuwrı sáwbetlesiw arqalı studentler ózine múnásip jumıs tabıwı, kadrlarǵa zárúrligi bar kárxanalar, jumısqa jaylasıw imkaniyatları hám aymaqlıq miynet bazarı haqqında tolıq maǵlıwmatqa iye bolıwı menen birge jumıs beriwshilerge kerekli kadrlardı tańlawda ámeliy járdem kórsetiw bolıp tabıladı.

(Maǵlıwmat ushın: Miynet yarmarkası haqqında qosımsha maǵlıwmat beriledi).

QMU Baspasóz xızmeti