Berdaq atɪndaǵɪ Qaraqalpaq mámleketlik universiteti Erasmus+ baǵdarlamasɪnɪń DECIDE joybarɪ sheńberindegi seminar qatnasɪwshɪlarɪ Rumɪniyanɪń Brasov Transilvaniya universitetinde ótkerilip atɪrǵan ilajdan tɪsqarɪ jergilikli universitet turmɪsɪ menen de tanɪspaqta.
Búgin delegaciya wákilleri Brasov Transilvaniya universitetindegi oqɪw hám ilimiy-izertlew jumɪslarɪ menen tanɪstɪ. Olar universitettiń Dizayn hám qorshaǵan ortalɪqtɪ qorǵaw fakultetine bardɪ. Bul fakultette 937 student bolɪp, olar 8 bakalavr tálim baǵdarɪ, 2 magistr qániygeliklerinde bilim almaqta. Studentlerge 49 professor-oqɪtɪwshɪlar bilim beredi. Sonday-aq, olar bul fakultettegi organikalɪq hám organikalɪq emes ximiya boyɪnsha oqɪw-metodikalɪq hám ilimiy-izertlew laboratoriyalarɪ menen tanɪsɪp, student hám jas alɪmlar menen sáwbetlesti.
Eki universitet alɪmlarɪ ortasɪndaǵɪ birgelikte ilimiy joybarlardɪ orɪnlaw boyɪnsha pikirler almasɪldɪ.
QMU Baspasóz xɪzmeti
