Berdaq atɪndaǵɪ Qaraqalpaq mámleketlik universitetiniṅ delegaciya wákilleri Brasov Transsilvaniya universitetindegi xɪzmet saparɪn dawam etti. Eki universitet wákilleri universitet rektoratɪnda ushɪrastɪ. Onda universitetler arasɪnda akademiyalɪq hám ilimiy birge islesiw boyɪnsha sȯylesiwler bolɪp ȯtti. Professor-oqɪtɪwshɪlar menen studentler almasɪwɪ haqqɪnda, birgelikte ilimiy joybarlar alɪp barɪw máseleleri dodalandɪ.

Sȯylesiwler nátiyjesinde Qaraqalpaq mámleketlik universiteti rektorɪ, professor Axmed Reymov penen Brasov Transilvaniya universiteti rektorɪ, professor Ioan Vasile Abrudanlar birge islesiw shártnamasɪna qol qoyɪstɪ.

Bunnan soṅ delegaciya wákilleri universitettiṅ xalɪqaralɪq bȯlimi jumɪslarɪ menen tanɪstɪ. Ol jerde universitettiṅ xalɪqaralɪq máseleler boyɪnsha prorektorɪ, professor Simona Lache Transilvaniya universitetinde islenip atɪrǵan joybarlar haqqɪnda maǵlɪwmatlar berdi. Sonday-aq, universitet tárepinen usɪnɪlatuǵɪn grantlar menen stipendiyalarǵa da keṅ toqtap ȯtti.

Usɪnɪṅ menen Qaraqalpaq mámleketlik universiteti wákilleriniṅ Rumɪniyanɪṅ Brasov transilvaniya universitetine xɪzmet saparɪ juwmaqlandɪ.

Qaraqalpaq mámleketlik universiteti Baspasóz xɪzmeti