Германия Халықаралық бирге ислесиӯ жәмийети (GIZ)ниӊ Ташкенттеги ӯәкилханасы ағзалары университетте болды |

Германия Халықаралық бирге ислесиӯ жәмийети (GIZ)ниӊ Ташкенттеги ӯәкилханасы ағзалары университетте болды

Германия Халықаралық бирге ислесиӯ жәмийети (GIZ)ниӊ Ташкенттеги ӯәкилханасы ағзаларынан ибарат делегация Қарақалпақ мәмлекетлик университетине келди.

«Орайлық Азияда ҳуқықый мәмлекетшиликти раӯажландырыӯ» GIZ бағдарламасы тийкарында 2022-жылдыӊ 7-апрель күни Бердақ атындағы Қарақалпақ мәмлекетлик университети студентлери ушын административлик ҳәм конституциялық ҳуқық бойынша семинар шөлкемлестирилди.

Семинарды Қарақалпақ мәмлекетлик университети Юридика факультети деканы Елизавета Қутыбаева алып барып, бул семинардыӊ әҳмийетине тоқтап өтти. Семинар қатнасыӯшыларын келген мийманлар менен таныстырды:

Йорк Пуделька – Германия Халықаралық бирге ислесиӯ жәмийети (GIZ)ниӊ Өзбекстан ҳәм Қазақстандағы ӯәкилханасы басшысы

Фолькер Штампе- Германия Халықаралық бирге ислесиӯ жәмийети (GIZ)ниӊ Тәжикстандағы ««Орайлық Азияда ҳуқықый мәмлекетшиликти раӯажландырыӯ»» жойбары басшысы,

Александр Тэнасе- Германия Халықаралық бирге ислесиӯ жәмийети (GIZ)ниӊ Қырғызстан Республикасында нызам үстинлиги бағдарламасыныӊ тийкарғы эксперти, Европа Кеӊесиниӊ ҳуқық (Венеция комиссиясы) арқалы демократия бойынша Европа комиссиясы ағзасы.

Ушырасыӯда Германия Халықаралық бирге ислесиӯ жәмийети (GIZ)ниӊ Өзбекстан ҳәм Қазақстандағы ӯәкилханасы басшысы Йорк Пуделька кейинги жылларда Германия ҳәм Өзбекстан ортасында бирге ислесиӯ ҳәр тәреплеме кеӊейип атырғанлығын айырықша атап өтти. Сондай-ақ, бул семинар ҳуқық тәлими бағдарында билим алып атырған студент жаслар ушын әҳмийетли екенлигин айтып өтип, семинар даӯамында алған түсиниклери оларда және де қызығыӯшылық пайда ететуғынлығын билдирди.

Семинарда тийкарғы баянатшылар өзлериниӊ презентация жумыслары менен қатнасты.

Германия Халықаралық бирге ислесиӯ жәмийети (GIZ)ниӊ Ташкенттеги ӯәкилханасы ағзалары тәрепинен Қарақалпақ мәмлекетлик университетине китаплар саӯға етилди.