Ózbekstan Respublikası Innovaciyalıq rawajlanıw ministrligi tárepinen jas ilimpazlardı qısqa múddetli stajirovkaǵa jiberiw boyınsha ótkerilgen tańlawda Qaraqalpaq mámleketlik universiteti Fizika fakulteti “Yarımótkizgishler fizikası” kafedrası 3-kurs tayansh doktorantı Qosbergenov Ernazar Jusipbay ulı jeńimpaz boldı. Universitetimiz jas ilimpazı Belarus mámleketlik universitetinde ilimiy stajirovka dawamında, ilimiy laboratoriyalardı úskeneler menen támiyinlew ushın satıp alınatuǵin joqarı texnologiyalıq ásbap-úskenelerde islew metodikasın ózlestirmekte. Sonday-aq, keleshekte bekkem birge islesiwdi támiyinlew maqsetinde Qaraqalpaq mámleketlik universiteti hám Belarus mámleketlik universiteti ortasında shártnama dúziw, birgeliklte ilimiy islerdi dodalaw, ilimiy proektler tayarlaw boyınsha sáwbetlesiwler alıp barmaqta.
Tashkent mámleketlik texnika universiteti oqıtıwshısı
PhD Ismaylov B.K.
