Búgin 25-aprel kúni Berdaq atındaǵı Qaraqalpaq mámleketlik universitetinde AQShtıń Ózbekstandaǵı elshixanası másláhátshisi Aleksis Sallivan hám Professor Li Ostormlar menen ushırasıw ótkerildi.
Ushırasıwda universitettiń Ilimiy isler hám innovaciyalar boyınsha prorektorı I.Turdımambetov miymanlardı universitetimizge kelgeni menen qutlıqlap, Qaraqalpaq mámleketlik universiteti haqqında tolıq maǵlıwmatlardı berip ótti.
Sonday-aq Aleksis Sallivan óziniń universitet penen tıǵız baylanısta ekenin hám programma boyınsha bir qansha isler ámelge asırılǵanlıǵı sonıń menen bir qatarda AQShtıń qáwenderliginde resurs orayı bar ekenin hám de Li Ostromnıń Qaraqalpaq máleketlik universitetine alıp keliwden maqseti izshil islesiwdi jánede jaqsılaw ekeniń, egrede Li Ostrom menen baslanǵan joybar tamamlanǵan jaǵdayda joybardı jańadan dawam ettiriwi haqqında aytıp ótti.
Sonday-aq Qurılıs fakulteti kafedrası baslıǵı R.Eshniyazov sózge shıǵıp, tiykarǵı 2 baǵdar boyınsha birge islesiwdi usınıs ettip, bakalavr magistratura qániygeligi boyınsha dúniyanıń top 500 ligine kiretuǵın universitetlerdiń oqıw rejeleri hám sillabusları menen teńlestiriw sonday-aq muǵallimlerdiń bizde sabaq ótiwin usınıs etti.
