Húrmetli Prezidentimizdiń 5 áhmiyetli baslaması tiykarında jaslardıń bos waqıtların mazmunlı ótkeriw maqsetinde Qaraqalpaq mámleketlik universitetinde studentler turar úyinde, QMUniń hayal-qızlar keńesi tárepinen dógerekler shólkemlestirilgen.

Sonday-aq, bul dógereklerge qızıǵıwshı student-qızlarımızǵa shash túrmeklew, manikyur, pedikyur hám tigiwshilik sırları úyretiledi. Sonıń menen bir qatarda qızlarımız sabaqlardan bos waqıtlarında dógereklerge kelip, óner úyreniwge qızıǵatuǵın qızlardı biypul tayarlaw bolıp tabıladı.

Búgingi kúnde xayal-qızlarımızǵa bolǵan itibar hám olarǵa jaratılıp atırǵan imkaniyatlar, mámleketimiz tárepinen keń kólemli jumıslar ámelge asırılmaqta. Usınday dógereklerdi shólkemlestiriwden tiykarǵı maqsetimiz student qızlardıń keleshekte óz ornın tabıwı ushın kásipke baǵdarlaw olardıń bántligin támiynlewden ibarat – deydi QMUniń hayal-qızlar keńesi baslıǵı I.Seytnazarova.

  QMU niń Hayal-qızlar keńesi