Ózbekstan Respublikası Ministrler Kabinetiniń 2022-jıl 7-mart kúngi 101-F-sanlı biyligi hám Ózbekstan Respublikası Joqarı hám orta arnawlı bilimlendiriw ministrliginiń 2022-jıl 14-mart kúngi 97-sanlı buyrıǵı tiykarında usı jıldıń 26-aprel kúni “Berdaq atındaǵı Qaraqalpaq mámleketlik universiteti Kórkem-óner fakulteti, Kórkem-óner kafedrası tárepinen shólkemlestirilgen “Baqsı, jıraw hám dástan atqarıwshılıq mektepleriniń rawajlanıwınıń tariyxıy-teoriyalıq hám ámeliy máseleleri” atamasındaǵı respublikalıq ilimiy-ámeliy konferenciya bolıp ótti.
Konferenciyaǵa bir qatar miymanlar, solar qatarında Respublikalıq baqsıshılıq orayınıń ilimiy izertlew bólimi baslıǵı Z.Izatov, Buxara mámleketlik universiteti, Kórkem-óner fakulteti, docent T.Rajapboev, Surxandaryalıq baqsı R.Mamatqulov, Ózbekstan hám Qaraqalpaqstan Respublikaları kórkem-óner ǵayratkeri, docent Q.Záretdinov, Ózbekstan Mádeniyat xám kórkem-óner institutı Nókis filialı Kórkem-óner tanıw fakulteti dekanı, docent G.Xojametova, Ózbekstan xalıq baqsısı Ǵ.Ótemuratovlar óz bayanatları menen qatnastı. Sonday-aq bayanatshılar tiykarınan baqsı, jırawshılıqtıń jámiyet turmısında tutqan ornı, dástan atqarıwshılıq mektepleriniń rawajlanıwı xám onıń ahimiyeti haqqında boldı. Sonıń menen bir qatarda konferenсiya dawamında kóplegen pikir hám usınıslar bildirilip, óz ara birge islesiw boyınsha kelisip alındı. Konferenciya dawamında QMU rektorı tárepinen tayarlanǵan sertifikatlar saltanatlı túrde tapsırıldı.
QMU Kórkem-óner fakulteti Hayal-qızlar
máseleleri boyınsha dekan másláhátshisi
Sh.Tájimuratova
