«Náshebentlikke qarsı gúresiw aylıǵı» sheńberinde usı jıldıń 8-iyun kúni taraw qánigeleri menen birgelikte Dene mádeniyatı fakulteti student-jasları arasında náshebentlik zatlar menen baylanıslı jınayatshılıq hám huqıqbuzarlıqtıń aldın alıw, oǵan qarsı gúresiw hám olar arasında profilaktikalıq úgit-násiyatlaw jumısların alıp barıw maqsetinde «Náshebentlik zatlarǵa hám oǵan qarsı gúresiw is-ilajların ele de kúsheytiw» atamasında úgit-násiyatlaw ilajı ótkerildi.
Ilajǵa Dene mádeniyatı fakulteti dekanı N.Kaypov, jaslar menen islesiw boyınsha dekan orınbasarı R.Óteniyazov, Nókis qalalıq IIO JMB JQB baslıǵı, mayor A.Dawletmuratov, Nókis qalalıq IIO JMB JQB aǵa operativ wákili, aǵa leytenant T.Baymuratov, 1-sanlı Respublika ruwxıy nevrologiya dispanseri shıpakeri Z.Madreymova, Respublika narkologiya dispanseri narkolog shıpakeri A.Jalilov, Nókis qalası Muxammed jome meshiti imam-xatibi Sh.Qudaybergenov, Respublikalıq AIJSqa qarsı gúresiw orayı shıpakeri U.Tolepbergenova, fakultet tyutorları hám student-jaslar qatnastı.
Ilajda taraw qánigeleri tárepinen jaslar arasında narkotik zatlarınıń tarqalıwına qarsı gúresiw, jaslardıń náshebentlikke berilmewi, narkotik zatlarınıń zıyanlı, ayanıshlı hám awır aqıbetleri, bul illet aqıbetinde jınayatshılıq hám de huqıqbuzarlıq jaǵdayları kelip shıǵatuǵınlıǵı, bunday illetke qarsı bárshe jaslar birgelikte gúresiwleri lazım ekenligi, sonday-aq, bul jaman illettiń aldın alıw maqsetinde Respublika jasları salamatlıǵın kúsheytiw, bárkamal insan etip tárbiyalawǵa qaratılǵan ilajlar hám hár túrli sport túrlerinen jarıslar ótkeriliwin, jaslardıń sport sekciyalarına bekitiliwin, olardıń bos waqıtların mazmunlı shólkemlestiriw haqqında ayrıqsha atap ótildi.
Ilaj dawamında náshebentlik zatlarǵa qarsı gúresiwdi úgit-násiyatlawǵa qaratılǵan bukletler student-jaslarǵa tarqatıldı hám studentler ózleriniń qızıqtırǵan sorawlarına tiyisli juwaplar aldı.
Ótkerilgen ilajdıń tiykarǵı maqseti jaslar arasında narkotik zatlardıń tarqalıwına qarsı gúresiw hám aldın alıw, bul jaman illet boyınsha keńnen úgit-násiyat jumısların alıp barıw, sonıń menen birge jaslarımızdı zárúr maǵlıwmatlar menen tanıstırıp barıw bolıp tabıladı.
R.Óteniyazov
Dene mádeniyatı fakultetiniń
jaslar menen islesiw boyınsha dekan orınbasarı
