Ózbekstan «Milliy tiklanish» demokratiyalıq partiyası Qaraqalpaqstan Respublikalıq Keńesi tárepinen Berdaq atındaǵı Qaraqalpaq mámleketlik universitetinde Ózbekstan Respublikası Konstituciyasına ózgeris hám qosımshalar kirgiziw, konstituciyalıq reformalardıń áhmiyetine baǵıshlanǵan ilaj ótkerildi.
Ilajda Oliy Majlis Senatı aǵzası U.Jalmenov, «Milliy tiklanish» partiyası Oraylıq Keńesi baslıǵı orınbasarı B.Mamatxonov, «Milliy tiklanish» partiyası Oraylıq Keńesi bólim baslıǵı D.Toshboev, Qaraqalpaqstan Respublikası Joqarǵı Keńesi deputatı.V.Kalenova, Qaraqalpaq mámleketlik universiteti Yuridika fakulteti Jınayı huqıq hám puqaralıq huqıq pánleri kafedrası aǵa oqıtıwshısı D.Saparov, Qaraqalpaq mámleketlik universiteti Milliy ideya, ruwxıylıq tiykarları hám huqıq tálimi kafedrası docenti, f.i.k J.Saǵındıkov, Qaraqalpaq mámleketlik universiteti Insan huqıqı, mámleketlik huqıqı hám basqarıw kafedrası docenti, yu.i.k. X.Kabulov, Yuridika fakulteti yurisprudenciya tálim baǵdarı 3-kurs studenti A.Uzaqbergenovlar hám partiya belsendileri. sonday-aq. ǵalaba xabar quralları wákilleri qatnastı.
Ushırasıwdı «Milliy tiklanish» partiyası Qaraqalpaqstan Respublikası Keńesi baslıǵı T.Romanov ashıp berdi hám alıp bardı. Bunnan soń, Oliy Majlis Senatı aǵzası U.Jalmenov, «Milliy tiklanish» partiya Oraylıq Keńesi baslıǵı orınbasarı B.Mamatxonovlar, sózge shıǵıp, Konstituciyaga ózgeris hám qosımshalar kirgiziw bul onıń elede rawajlanıwı, xalqımızdıń mápine xızmet etiwi, sonıń menen birge, Ózbekstan Respublikası Konstituciyasına ózgeris hám qosımshalar kirgiziw boyınsha usınıslardı qáliplestiriw hám shólkemlestiriw ilajların ámelge asırıw boyınsha Konstituciya komissiyası tárepinen usı jıldıń 24-may sánesinen baslap keń jámáátshilikten usınıs hám pikirler jıynap atırǵanlıǵı, usı processte jaslar da belsendi qatnasıp, óz pikir usınısların beriwge shaqırdı. Ushırasıw dawamında universitet professor oqıtıwshıları hám belsendi jaslar tárepinen áhmiyetli usınıslar berildi. Barlıq usınıslar ulıwmalastırılıp, Konstituciyalıq komissiyaǵa usınıs etiliwi belgilep alındı.
