Qaraqalpaq mámleketlik universiteti Qaraqalpaq filologiyası xám jurnalistika fakultetine tiyisli 6-sanlı studentler turar úyinde Qaraqalpaq filologiyası hám jurnalistika fakulteti hayal-qızlar máseleleri boyınsha dekan másláhátshisi A.Qazaqbaeva, pedagog-tárbiyashı K.Ernazarova, tyutor G.Útegenova basshılıǵında hám student-jaslar qatnasında sáwbetlesiw keshesi ótkerildi.

 Bunda jataqxananıń ishki tártip qaǵıydalarına student qızlardıń ámel etiw jaǵdayları, xanalarınıń tazalıǵı máselesi, qızlarımızdıń tárbiyası hám jámiyetlik orınlarda, kóshelerde ózlerin tutıw ádebi, jazǵı imtixanlarınıń barısı haqqında, bıyılǵı oqıw jılın juwmaqlap, ata-analarınıń úylerine aman-saw jetip barıwları, jazǵı dem alısın mazmunlı ótkeriwi, dem alıs waqtında ata-analarına úy jumıslarına járdem etiwleri, bos waqıtlarında kórkem shıǵarmalar oqıwı, til úyreniw yaki basqa da qosımsha óner úyreniw ushın oqıw kurslarına qatnawı, ulıwma jazǵı dem alıs kúnlerin mazmunlı etip ótkeriwleri h.t.b máseleler boyınsha sáwbetlesildi.

A.Qazaqbaeva Qaraqalpaq filologiyası hám jurnalistika fakulteti

hayal-qızlar máseleleri boyınsha dekan másláhátshisi