Usı jıldıń 28-yanvar kúni Húrmetli Prezidentimizdiń “2022-2026-jıllarǵa mólsherlengen Jańa Ózbekstannıń rawajlanıw strategiyası haqqında”ǵı Pármanı qabıl qılındı. Usı tiykarda búgin Berdaq atındaǵı Qaraqalpaq mámleketlik universitetinde “Insan qádiri” onlayn platforması hám “2022-2026-jıllarǵa mólsherlengen Jańa Ózbekstannıń rawajlanıw strategiyası” toplamı prezentaciyasın ókeriw boyınsha ilaj bolıp ótti. Ilajdi Qaraqalpaqstan Respublikası Joqarǵı Keńesi deputatı, Qaraqalpaq mámleketlik universiteti rektorı A.Reymov ashıp berdi hám alıp bardı. Dáslep, Qaraqalpaqstan Respublikasi Ministrler Keńesi Baslıǵınıń birinshi orınbasarı N.Erlepesov sózge shıǵıp, Mámleketimizde sońǵı jıllarda Prezidentimizdiń baslaması hám basshılıǵı menen elimiz úshinchi renesansqa, Jańa Ózbekstanǵa qaray nıq qádemler qoyılp atırǵanlıǵı, bunda álbette, 2022-2026-jıllarǵa mólsherlengen Jańa Ózbekstannıń rawajlanıw strategiyası hám onı 2022-jıl “Insan qádirin ulıǵlaw hám belsendi máhálle jılı”nda ámelge asırıwǵa baylanıslı Mámleketlik dástúri islep shıǵılıp, onıń úlken áhmiyetke iye ekenligin haqqında aytıp ótti. Bunnan soń Rawajlanıw strategiyası orayı bólimi baslıǵı A.Xolbekov sózge shıǵıp, Húrmetli Prezidentimizdiń bul Pármanı menen 100 maqsetke erisiwge qaratılǵan 7 áhmiyetli baǵdarlar haqqında hám usı rawajlanıw strategiyasın Insan qádiri ushın xızmet etetuǵınlıǵın aytıp ótti. Sonday-aq, ilajda Oliy Majlisi Senatı aǵzası B.Matmuratov Ózbekstan Respublikası Konstituciyasına kiritilip atırılǵan ózgeris hám qosımshalardıń mazmun-mánisi haqqında keń jamiyetshilikke túsindirip ótti.
